Maria Gariboldi Sciro
La nonna ricorda
Lenta la neve, scende dal cielo.
È notte Santa, è nato Gesù.
La nonna culla il suo nipotino
che dolcemente le fa ricordare
i tanti Natali, passati lontani,
e mentre guarda il suo dolce visino,
implora la nonna
proteggilo Tu o Gesù Bambino.
E come lui, tutti i bimbi del mondo.
Fa che per tutti sia un Natale giocondo.
Prega la nonna, col mento sulla mano.
Prega la nonna, e guarda lontano.!
Festa della Mamma
Mama, ma ta se bela,
ta ghe i oc ca brila
cum una stela.
Ma ta ste ben; insci cavezada
fina i subret ta se lustrada.
Anca al papa te la di
ma ti te minga capi.
Ta se andada in cusina
a das da fa, a prepara
ma ta se lesta,
tut per truva un para dur,
da fa la tua festa.
Ta se cum è un fiur,
da ogni culur
ti tut ta de
sensa mai nient vure indrè.
Mama, tal disi
ma vureria vusa
ta se al persunag
puse bel che ga sia.
La pigutina
In i sett'ur d'una matina,
ma per mi ormai…
la sveglia la suna più,
gh'è no i bagai da ciama',
gh'è no l'om
ca la d' anda' a lavura'.
Levi su,
i gamb incumincian a trabala'
e i ginocc sa sentan a scrisa;
ma rendi cunt
che rivaa la terza età!
Guardi da la finestra…
Al su l'è giàmo spuntaa
E al brila in una manera
che al ma fa slargà al fiaa
e al ma da la voia, de tira' a campà.
Giù per la strada, pasa una mama
cunt per man una tuseta
ca la strenc in brasc una bambuleta.
E quasi senza acorgias
turni indree, in dal me pasa,
quand anca mi s'eri piscinina
e gh'avevi tanta voia
d'avec una bambulina!
Ma l'era un sogn ca putevi no
realizà,
eran trop i problemi che la mama
la doveva affruntà.
Tanti ann in pasaa
Ma ca la tuseta lì,
in un atim, mi ha cancelà,
e lughida, cume ' quand' s' eri piscinina,
cun una pesa, una gugia e un po' da cutun
ma son fada una pigutina.
Du occ celest, i cavei marun,
du puntin negar per al nasin
un buchina rusa…,
luminusa cume' un fiur in dal giardin.
E adess l' è lì, in mustra sul divan
a ricurdarm che i sogn, gan no età
e basta un po' da sentiment,
amur e fantasia
per vegan tanti e regalan anca via.
Una storia piscinina
L' è una storia piscinina
quela che adess va cunti su
l' è la storia d' un amur
che su un cal…a l'è nasu
L' è sbucià una matina
In su al tram cal va a Milan
Propi al dì che, mingherlina,
Mi cumpivi i me vint' ann.
rit. L'è la storia d'un dulur
che su un cal
l'ha fa nas l' amur…
Da statura piscinina
gh'eri sempar un bel da fa'
a truvà in mez a la gent
un pusticin per respirà.
rit.
S' eri apena sistemada
tra una dona e un giuvanot
quand a senti una stiledada
ca ma fa vusà da bot
rit.
Un dulur ca ma va al cor
E al ma fa sturcià i busec
Al ven su dal me didin
Cal ga un cal dur e piscinin.
rit.
La ma scusa, signorina,
mi l'ho vista propi no
sa la valsa al so pescin
mi sul cal ga do un basin.
rit.
Al faga minga al spiritus
Perché me ved un po' pochina
A difendas mi sun buna
Cun un dit ga fo l'ugina.
rit.
Ma mi vori al so perdun
Per al cal ca g'ho pestà
E se adess ma dà la man
Ga la tegni per tutt l'ann.
rit.
Un ann, du ann, quarantadu ann
Al me Ambros m'ha tegnu la man
Lu adess, cun mi al gh'è no
Ma al cal, per la miseria,
ga l'ho amò!
