CLICCA QUI PER LEGGERE IL CURRICULUM
Carlo Albertario
LA MIA FISA (Primo Premio al 5º Concorso Letterario "Il Giunco Città di Brugherio 2001")
In de la vita gh'hoo 'na cara amisa
che a l'è con mì de quand seri bagaj,
rossa coi botton bianch: l'è la mia fisa.
A quattr'ann per la musica seri portaa
e i mè gent cont tanti sacrifizzi
ona bèlla fisa noeuva m'hann compraa.
La mia mama con tanta soddisfazion
la me compagnava in via Pasquiroeû
a imparà la musica, a toeu lezion.
In quella via che adèss la gh'è pù
al numer vundes, arent a la gesètta
con la mia mama mì andavi sù…
Diseven che seri brao e a cinqu ann
al Puccini de Milan hoo debuttaa
con paura, ma con tanti battiman.
Sonavi despèss in del grand teater
de l'Oratòri de Pòrta Romana
in spettacol important con tanti alter.
Dòpo col mè papà e i sò amis
andavom a fà on poo de spettacol
per chi patìva, a regalà 'n sorris.
Mi sonavi, vun el diseva 'na poesia,
alter recitaven ona scenètta,
cercavom de portà on poo de legria.
In tramm, in treno, a pè se andava,
el mè papà per man el me tegnìva,
inscì la domènega la passava.
In di ospedaa coi malaa, i mutilaa,
in di orfanotrofi, in di scoeull,
in di pòer vècc, in di fioeu bandonaa.
La mia fisa l'è stada la mia compagna
in tanti baracad cont i mè amis
in di fèst de cittaa e de campagna.
A l'è anmò on strument de qualitaa,
piscinina, con la vos strepitosa,
quand la soni el temp l'è nò passaa…
Insèma gh'èmm 'vuu tanti soddisfazion,
l'è on ben tanto car che adèss mì gh'hoo.
"Per piesè, dòpo de mì, treela nò via in
un monton".
Milan, el 1 de Luj del 2000
LA MIA FISARMONICA
Nella vita ho una cara amica
che è con me da quando ero bambino,
rossa coi bottoni bianchi: è la mia fisarmonica.
A quattro anni ero portato per la musica
e i miei genitori con tanti sacrifici
mi hanno comperato una bella fisarmonica nuova.
La mia mamma con tanta soddisfazione
mi accompagnava in via Pasquirolo
a imparare la musica, a prendere lezione.
In quella via che adesso non c'è più,
al numero undici, vicino alla chiesetta
con la mia mamma io andavo sù...
Dicevano che ero bravo e a cinque anni
ho debuttato al Puccini di Milano
con paura, ma con tanti battimani.
Suonavo spesso nel grande teatro
dell'Oratorio di Porta Romana
in spettacoli importanti con tanti altri.
Dopo, col mio papà e i suoi amici
andavamo a fare un po' di spettacolo
per chi pativa, a regalare un sorriso.
Io suonavo, uno declamava una poesia,
altri recitavano una scenetta,
cercavamo di portare un po' di allegria.
Si andava in tram, in treno a piedi,
il mio papà mi teneva per mano,
così la domenica trascorreva.
Negli ospedali coi malati, i mutilati,
negli orfanotrofi e nelle scuole,
dai poveri vecchi, e dai ragazzi abbandonati.
La mia fisarmonica è stata la mia compagna
in tante bisbocce con gli amici
nelle feste di città e di campagna.
È ancora uno strumento di qualità,
piccola, con la voce strepitosa,
quando la suono il tempo non è trascorso…
Insieme abbiamo avuto tante soddisfazioni,
è un bene tanto caro che ho ancora.
"Per favore, dopo di me, non buttatela via".
Milano 1 Luglio 2002
ON CANTON DEL VÈCC MILAN
Sul canton de via Pantan, ona vèggia cà
pièna de fior, rampicant e piant
l'era vèrs Sant Nazar(1) e l'Universitaa
cont on poggioeu che l'era on incant.
On canton del vècc Milan restaa inscì
fin a quand cruzzi, legria e amor
hinn staa la vita de quèi che staven lì,
doe la fadiga la se sposava col sudor.
On quai dì fa son passaa pròppi de lì,
in quèll canton antigh de via Pantan,
hoo veduu la vèggia cà e me son stremii,
l'era divèrsa dòpo tanti ann…
Ingabbiada, voeuia, senza pù de gent,
con l'anema mòrta, tutta trasformada.
On gropp in gora… La m'ha daa torment
a vedèlla inscì 'me l'hann consciada.
Hoo cercaa el vècc poggioeu coi fior e i piant,
l'hoo veduu strepenaa tra i ass de lègn,
gh'hann streppaa sù el coeur e i rampicant
senza rispètt per la memòria e i sègn.
Lassarann la facciada ma sventrarann la cà
per cancellagh tusscòss, l'anema antiga,
i sègn de la vita de quèi che staven là
e trarann via i ricòrd de la fadiga.
Ghe andarà dent on fracch de offìzi
per guadagnà con la Borsa e l'Internet,
senza sudor e senza sacrifizzi.
Insèma ai mur e al vècc poggioeu
hann picconaa i mè ricòrd de fioeu…
Milan, el 25 de November del 2000
(1)Antiga Basilica de Milan
UN ANGOLO DELLA VECCHIA MILANO
Sull'angolo di via Pantano, una vecchia casa
piena di fiori, rampicanti e piante
era verso San Nazzaro(1) e l'Università
con un balcone che era una meraviglia.
Un angolo della vecchia Milano rimasto così
sino a quando crucci allegria e amore
sono stati la vita di quelli che vi abitavano,
dove la fatica si coniugava con il sudore.
Qualche giorno fa sono passato proprio lì,
in quell'angolo antico di via Pantano,
ho visto la vecchia casa e mi sono spaventato,
era diversa dopo tanti anni…
Ingabbiata, vuota, senza più gente,
con l'anima morta, tutta trasformata.
Un nodo alla gola… Mi ha dato tormento
a vederla così come l'hanno conciata.
Ho cercato il vecchio balcone con i fiori e le piante,
l'ho visto rovinato tra le assi di legno,
gli hanno strappato il cuore e i rampicanti
senza rispettare la memoria e le tracce di un tempo.
Lasceranno la facciata ma sventreranno la casa,
per cancellare tutto, l'anima antica,
le tracce della vita di quelli che l'hanno abitata
e getteranno via i ricordi della fatica.
Andranno dentro tanti uffici
per guadagnare con la Borsa e l'Internet,
senza sudore e senza sacrifici.
Con i muri e il vecchio balcone
hanno demolito i miei ricordi di ragazzo…
Milano, 25 Novembre 2000
(1)Antica Basilica di Milano
DE SERA
Cerchi dent la memòria la preghiera
che disevi con la mama de fiolin.
Me la faseva dì quand l'era sera,
in cà denanz a on sempliz altarin.
Mettuu sul ciffon, in bèlla manera,
on santin de la Madòna col Bambin
e 'l ritratt de chi ona vòlta 'l gh'era,
illuminaa con la lus de on ciarin.
La mia mama la me casciava in lètt
e la spiegava 'l motiv de vèss in pas
per ciappà sògn e riposà quiètt…
Disi adèss quèll'antiga preghiera
intant che in sto moment tusscòss el tas.
El par anmò quèll temp, ma l'è 'n'altra sera.
Pianell del Lari, el 8 de Febrar del 2004
DI SERA
Cerco nella memoria la preghiera
che dicevo con la mamma quand'ero bambino.
Me la faceva recitare quand'era sera
in casa, davanti a un semplice altarino.
Messi sul comodino, in bella maniera,
un'immaginetta della Madonna col Bambino
e i ritratti di chi c'era una volta,
illuminati con la luce di un lumino.
La mia mamma mi metteva a letto
e spiegava il motivo di essere in pace
per prendere sonno e riposare tranquilli…
Recito adesso quell'antica preghiera
intanto che tutto tace in questo momento.
Sembra ancora quel tempo, ma è un'altra sera.
Pianello del Lario, 8 Febbraio 2004
